Fækkun ráðuneyta, rugl.

Nú um áramótin gekk garð fækkun ráðuneyta og þetta er gert undir yfirskini hagræðingar, einföldunar og sparnaðar. Ekkert af þessu er ég tilbúinn að kyngja. Það er alveg sama hvað ráðherra er búinn miklum og góðum hæfileikum (fæstir þeirra eru það í dag) að einum og sama manninum takist að hafa þá yfirsýn að honum takist að setja sig svo vel sé, inn í málefni margra málaflokka. Hvað gerist þá?  Jú, einfaldlega völd embættismanna munu aukast og ráðherrann verður bara í því að setja nafnið sitt undir til allskonar tilskipanir, til að staðfesta þær.  Er þetta skynsamlegt? Svari hver fyrir sig. Það hefði verið  heldur nær að lækka laun ráðherra og halda því sem mest að hver ráðherra fari með eitt ráðuneyti, svo dæmi sé tekið, Heilbrigðisráðuneytið. Ég held að stjórnmálamenn og almenningur eigi eftir að sjá að þessi breyting er bara rugl.